समायोजन खबर खोटाङ, राष्ट्रिय प्रजातन्त्र पार्टी राप्रपाले हलेसी तुवाचुङ नगरपालिकाको मेयर र उपमेयरमा उम्मेदवार टुगो लगाएको छ।

हलेसीको मेयरमा छत्र पुरी र उपमेयरमा यविना राईलाई उम्मेदवार बनाउने जनाएको छ।

यस्तै, हलेसी तुवाचुङ नगरपालिका–१ बाहुनीडाँडाको वडाध्यक्षमा चित्र बहादुर कार्की, बडहरेको वडाध्यक्षमा दीपक तामाङ, महादेवस्थानको वडाध्यक्षमा सरोज गिरी र अर्खौलेको वडाध्यक्षमा डम्बर बहादुर गिरीलाई उठाईने राप्रपाका केन्द्रीय सदस्य तथा सूचना प्रविधि विभाग प्रमुख रबिन चाम्लिङले बताए।

जिल्लाभरका सबै उम्मेदवारहरुको मनोनयन दर्ता सोमबार (आज) गरिने राप्रपाले जनाएको छ।