समायोजन खबर खोटाङ, खोटाङको दिक्तेल रुपाकोट मझुवागढी नगरपालिकाको मेयरमा नेपाली कांग्रेसबाट आकाङक्षी १६ जनाको नाम प्रदेश कार्य समितिमा सिफारिस गरिएको छ। कांग्रेस जिल्ला कार्य समितिले इमेलमार्फत बिहीबार प्रदेश कार्य समितिलाई मेयरका आकाङक्षीहरुको नाम सिफारिस गरेको हो।

जिल्ला कार्य समितिले तीर्थराज भट्टराई, ज्ञानेन्द्र जोशी, धर्मराज पोखरेल, शरहमान राई, सुमनबाबु आचार्य, भिषण राई, रुद्र गिरी, ईन्द्र घिमिरे, रोजन राई, श्याम राई, राजनशेर राई, रामकुमारी राई, निसान राई, गोपाल सैंजु, कुमार पुरी र योगेन्द्र राईको नाम सिफारिस गरेको जनाएको छ।

दिक्तेलको हकमा आकाङक्षीहरु सबैको नाम गएको र नगर कार्य समितिको बैठकमा तीर्थजीको बहुमतबाट राय प्राप्त भएको र त्यही कोड गरेर प्रदेशमा पठाईएको पार्टी सभापति विष्णुकुमार राईले बताए।

शनिबार नगरपालिकाको मेयर, उपमेयरको उम्मेद्वार टुंगो लगाईने एकजना प्रदेश सदस्यले जानकारी दिए। गठबन्धनले दिक्तेल रुपाकोट मझुवागढी नगरपालिका प्रमुख कांग्रेसलाई र उपप्रमुख माओवादी केन्द्रलाई भागबण्डा लगाएको छ।