समायोजन खबर खोटाङ,खोटाङमा लगातार तेश्रो वर्षमा पनि सुन्तला उत्पादनमा गिरावट आएको छ। अघिल्लो आर्थिक वर्षमा भन्दा चालू आर्थिक वर्षमा उत्पादन क्षेत्र बढाईए पनि सुन्तला उत्पादनमा गिरावट नै आएको हो।

आर्थिक वर्ष २०७८/०७९ मा ८१० हेक्टर क्षेत्रफलमा सुन्तला खेती गरिदा ३ हजार ३३१ मेट्रिक टन सुन्तला उत्पादन भएको छ। आर्थिक वर्ष २०७७/०७८ मा ७४० हेक्टरमा सुन्तला खेती गरिदा ३ हजार ३३० मेट्रिक टन सुन्तला उत्पादन भएको थियो।

सुन्तला खेतीका लागि क्षेत्रफल बढाईए पनि औष किरा, खाद्य तत्वको कमी र सिट्रस ग्रिनिङका कारण सुन्तला उत्पादनमा कमी आएको कृषि ज्ञान केन्द्र खोटाङले जनाएको छ।

यस्तै, आर्थिक वर्ष २०७६/०७७ मा ७४० हेक्टरमा सुन्तला खेती गरिदा ६ हजार ५८६ मेट्रिक टन सुन्तला उत्पादन भएको थियो। जिल्लाको याम्खा, चिसापानी, कुभिण्डे, टेम्मा लगायतका स्थानमा व्यवसायीक रुपमा सुन्तला खेती गरिदै आएको छ।