समायोजन खबर खोटाङ,खोटाङमा २ जनामा कोरोना संक्रमण देखिदा २४ जना निको भएका छन्। आईतबार २० जनाको एन्टीजेन परीक्षण गर्दा २ जनामा संक्रमण देखिएको छ। यस्तै, शनिबार २० जनाको एन्टीजेन परीक्षण गर्दा २ जनामै कोरोना देखिएको थियो। शुक्रबारयताको तथ्यांक हेर्दा कोरोना संक्रमित दैनिक घट्न थालेको छ।

जिल्लाभर ८० जना संक्रिय संक्रमित रहेको स्वास्थ्य कार्यालय खोटाङका कोरोना फोकल पर्सन भिष्म पाण्डेले जानकारी दिए। पाण्डेका अनुसार १०२ जना होम आईसोलेसनमा छन्। उनीहरुको स्वास्थ्य अवस्था सामान्य छ।

पहिलो, दोश्रो र तेश्रो लहरको कोरोना संक्रमित भई निको हुनेको संख्या ३ हजार ३३२ जना पुगेको छ। हालसम्म ३ हजार ४२८ जना संक्रमित भएका छन्। पहिलो र दोश्रो कोरोना लहरबाट जिल्लाभर १५ जनाको मृत्यु भएको छ।

कोरोना विरुद्धको पहिलो मात्राको खोप १ लाख १६ हजार ६८९ जनाले लगाएका छन भने, कोरोना विरुद्धको दुबै मात्राको खोप ६७ हजार २९ जनाले लगाएका छन्। जिल्लाभर २३४ वटा बेड, भेन्टिलेटर १ वटा, एम्बुलेन्स ७ वटा, अक्सिजन सिलिण्डर २ सय वटा र अक्सिजन कन्सन्ट्रेटर ३७ वटा उपलब्ध रहेको छ।