समायोजन खबर, पछिल्लो २४ घण्टामा देशभर थप १ हजार ४४६ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार ८ हजार ९६५ पीसीआर र २ हजार ४६४ जनाको एन्टीजेन परीक्षणका क्रममा १ हजार ४४६ जनामा संक्रमण पुष्टि भएको हो।

आज थपिएका संक्रमितसंगै कुल संक्रमितको संख्या ८ लाख ३३ हजार ९४६ जना पुगेको छ। ती मध्ये ७ हजार ८५५ जना सक्रिय संक्रमित छन्। पछिल्लो २४ घण्टामा २५५ जना संक्रमणमुक्त भएका छन्। यो सँगै देशभर निको हुनेको संख्या ८ लाख १४ हजार ४८५ पुगेको छ।

पछिल्लो २४ घण्टामा २ जना संक्रमितको मृत्यु भएको मन्त्रालयले जनाएको छ। यो संगै नेपालमा कोरोना संक्रमणबाट मृत्यु हुनेको संख्या ११ हजार ६०६ पुगेको छ।