समायोजन खबर खोटाङ, खोटाङको केपिलासगढी गाउँपालिकाले अन्तर जिल्ला जोड्ने सडक निर्माण गर्ने भएको छ। गाउँपालिकाको वडा नम्बर १ फेदीबाट बर्खे लामिडाँडा धोद्रे हुंदै छिमेकी गाउँपालिका टेम्केमैयुङ गाउँपालिकासँग जोड्ने सडक निर्माण गर्ने भएको हो।

सो सडकको आईतबार गाउँपालिका अध्यक्ष कृष्णकुमार राई र उपाध्यक्ष हिरा कुमारी वन गिरीले एकसाथ शिलान्यास गर्नुभएको छ। उपभोक्ता समितिबाट निर्माण हुने बर्खे लामिडाँडा धोद्रे सडक जनश्रमदान र गाउँपालिकाको वजेटबाट निर्माण हुनेछ।

सडक निर्माणका लागि गाउँपालिकाको स्टीमेट अनुदान ३५ लाख र जनश्रमदान ५ लाख ८८ हजार ३९६ रुपैयाँ भए पनि ३९ लाख २२ हजार १४६ रुपैयाँ बजेटमा सडक निर्माण हुनेछ।

उपभोक्ता समितिले गाउँपालिकासँग सम्झौता गर्दा मंसिर २८ गतेबाट सडक निर्माणको काम थाल्नुपर्ने भए पनि विभिन्न तयारी पूरा गर्दा केही समय पर सरेको हो। आगामी फागुन २८ गते सडक सम्पन्न गर्नुपर्नेछ। सडक बनेपछि स्थानीयहरुले सहज रुपमा यात्रा गर्न पाउने  गाउँपालिका अध्यक्ष राईले बताए।