समायोजन खबर खोटाङ, नेपाली कांग्रेस खोटाङको जिल्ला कार्य समितिको नयाँ नेतृत्व चयनका लागि गरिएको मतदानवाट १ हजार ३२२ मत खसेको छ।
बुधबार विहान सदरमुकाम दिक्तेलस्थित सरस्वती माध्यमिक विद्यालयमा मतदान भएको थियो। १ हजार ३७३ जना क्षेत्रिय प्रतिनिधि मध्येमा १ हजार ३२२ मत खसेको जिल्ला निर्वाचन समितिले जनाएको छ।

राती ८:३० वजेपछि मत गणनाका लागि आचारसहिंता सम्बन्धी वैठक बसेर मत गणना गरिने जनाईएको छ।

सातौं जिल्ला अधिवेशनमा सभापतिको उम्मेद्वारीमा पूर्वराज्यमन्त्री सर्वधन राई र पूर्व पार्टी सभापति विष्णुकुमार राई छन्। पूर्वराज्यमन्त्री र पूर्व पार्टी सभापति चुनावी मैदानमा आएपछि चुनावी नतिजा कता पर्ला भनेर व्यापक चर्चा हुन थालेको छ।