समायोजन खबर खोटाङ, नेपाली कांग्रेस खोटाङको सातौं जिल्ला अधिवेशनका लागि उम्मेद्वारको मनोनयन दर्ता धमाधम सुरु भएको छ।

अधिवेनशका लागि मंगलबार पार्टी कार्यालय दिक्तेलमा उम्मेद्वारको मनोनयन दर्ता भईरहेको जिल्ला निर्वाचन अधिकृतको कार्यालयले जनाएको छ।

यो समाचार तयार पार्दासम्म सभापतिको उम्मेद्वारी घोषणा गरेका पूर्वराज्यमन्त्री सर्वधन राईको समूहले मनोनयन गरिसकेको जनाईएको छ। अर्का सभापतिका उम्मेद्वारी घोषणा गरेका पूर्व पार्टी सभापति तथा महासमिति सदस्य विष्णुकुमार राईको समुहले भने मनोनयन गर्न वाँकी रहेको छ।

जिल्ला सभापतिका लागि पूर्वराज्यमन्त्री राई र पूर्व पार्टी सभापति तथा महासमिति सदस्य विष्णुकुमारको प्रतिस्पर्धा हुने देखिएको छ। अर्को सभापतिका उम्मेद्वारी घोषणा गरेका महासमिति सदस्य रविप्रकास राई भने पूर्वराज्यमन्त्री राईसँग सहकार्य गर्ने जनाईएको छ।
यसैगरी, जिल्ला सभापतिका उम्मेद्वारी घोषणा गरेका महाधिवेशन प्रतिनिधि तथा दिप्रुङ चुईचुम्मा गाउँपालिका अध्यक्ष भुपेन्द्र राईले आईतबार नै पूर्वराज्यमन्त्री राईको समूहबाट महाधिवेशन प्रतिनिधि उठ्ने घोषणा गरिसकेका छन्।

उम्मेद्वारको अन्तिम नामावली प्रकाशन भने राती ८ वजे गरिने निर्वाचन मण्डलले जनाएको छ। मतदान भने भोली विहान ७ बजेदेखि सरस्वती माध्यमिक विद्यालय दिक्तेलमा हुनेछ।