समायोजन खबर खोटाङ, नेपाली कांग्रेस खोटाङको क्षेत्रिय अधिवेशन अन्तर्गत मतदान सकिएसँगै मत गणनाका लागि तयारी सुरु भएको छ।

शुक्रबार भएको अधिवेशनमा प्रदेश क्षेत्र ‘क’ मा ६८२ र प्रदेश क्षेत्र ‘ख’ मा ६३५ मत खसेको छ।

मत गणनाका लागि प्रदेश क्षेत्र ‘ख’ मा आचार संहिता बन्दै गरेको जानकारी प्राप्त भएको छ। प्रदेश क्षेत्र ‘क’ मा राती ९ वजेपछि छलफल राखेर मत गणनाको व्यवस्था मिलाईने मतदान अधिकृत शिवहरि ढकालले बताए।
प्रदेश क्षेत्र ‘क’को अधिवेशन अन्तर्गत हलेसीस्थित महेन्द्रोदय मावि र प्रदेश क्षेत्र ‘ख’ को सिमपानी क्याम्पसमा मतदान भएको थियोे।

प्रदेश क्षेत्र ‘क’ मा राजेन्द्र राई र भक्तजंग राई तथा प्रदेश क्षेत्र ‘ख’ मा चण्डीकुमार राई र दिनेश कुमार घिमिरे क्षेत्रिय सभापतिका उम्मेद्वार थिए।

प्रदेश क्षेत्र ‘क’ का क्षेत्रिय सभापतिका उम्मेद्वार राजेन्द्रलाई पूर्व पार्टी सभापति विष्णुकुमार राई र भक्तजंगलाई पूर्व राज्यमन्त्री सर्वधन राईले साथ दिएका छन्।

यस्तै, प्रदेश क्षेत्र ‘ख’का क्षेत्रिय सभापतिका उम्मेद्वार चण्डीलाई महाधिवेशन प्रतिनिधि तथा हालको दिप्रुङ चुईचुम्मा गाउँपालिका अध्यक्ष भुपेन्द्र राईको साथ छ भने, घिमिरेलाई पूर्व पार्टी सभापति राईको साथ छ।