समायोजन खबर खोटाङ, नेपाल कम्युनिष्ट पार्टी एमाले खोटाङको वडा अधिवेशन आधाभन्दा बढी वडामा सम्पन्न भएको छ। जिल्लाका ७९ वडामध्येमा यो समाचार तयार पार्दासम्म ६० भन्दा वढी वडामा सर्वसमतिय ढंगबाट नेतृत्व चयन भईसकेको नेकपा एमाले खोटाङले जनाएको छ।

अधिवेशनबाट अध्यक्ष एक, उपाध्यक्ष एक, सचिव एक तथा उपसचिव दुई र ३१ वडा सदस्य चयन भएको नेकपा एमाले खोटाङका पार्टी अध्यक्ष रामप्रसाद दंगालले जानकारी दिनुभयो। दंगालका अनुसार साँझ ६ वजेसम्म ७९ वडैमा सहमतिय ढंगवाट नेतृत्व चयन हुनेछ।

शनिवार एमालेको देशभर भईरहेको वडा अधिवेशन अन्तर्गत यहाँ पनि वडा अधिवेशन भईरहेको हो। ९ कार्तिकमा सात सय ५३ पालिकामा अधिवेशन हुनेछ।

एमालेको दशौँ महाधिवेशन आउँदो मंसिर १० देखि १२ गतेसम्म चितवनमा हुने तय भइसकेको छ। सोही तयारीका लागि आज देशभरका करिब ६ हजार सात सय ४३ वडाहरुमा एकैपटक पहिलो अधिवेशन भईरहेको हो।