समायोजन खबर, पछिल्लो २४ घन्टामा देशभर थप ७ सय ९२ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा ९ हजार ६ सय १९ जनामा गरिएको परीक्षणमा ७९२ जनामा संक्रमण देखिएको हो ।

पछिल्लो २४ घण्टामा थप १४ जना संक्रमितको मृत्यु भएको मन्त्रालयले जनाएको छ। योसँगै नेपालमा हालसम्म कोरोना संक्रमणबाट मृत्यु हुनेको संख्या ११ हजार २५७ पुगेको छ।

मन्त्रालयलका अनुसार हाल सक्रिय संक्रमितको संख्या १४ हजार ५५४ रहेको छ।