समायोजन खबर खोटाङ, खोटाङका छ स्थानीय तहको लेखापरीक्षण सकिएको छ। महालेखापरीक्षकले ति स्थानीय तहहरुको आर्थिक वर्ष २०७७/०७८ को लेखापरीक्षण सकेको हो।

अहिलेसम्म दिप्रुङ चुईचुम्मा गाउँपालिका, खोटेहाङ गाउँपालिका, बराहपोखरी गाउँपालिका, हलेसी तुवाचुङ नगरपालिका, रावाबेशी गाउँपालिका र ऐसेलुखर्क गाउँपालिकाकोे लेखापरीक्षण सकिएकोे महालेखापरीक्षकको कार्यालयले जनाएको छ।

केपिलासगढी गाउँपालिका र जन्तेढुंगा गाउँपालिकाको लेखापरीक्षण भईरहेको छ। लेखापरीक्षणका लागि महालेखापरीक्षकको कार्यालयवाट भदौको अन्तिम साता निर्देशक प्रकाश खत्री र पदम प्रसाद आचार्यको टोली खोटाङ आएका हुन्।

खत्रीको टोलीले दिप्रुङ, खोटेहाङ, बराहपोखरी गाउँपालिकाको लेखापरीक्षण सकेको हो। सोही टोलीले जन्तेढुगा गाउँपालिकाको तीनदिन अघिबाट लेखापरीक्षण गरिरहेको छ। त्यसपछि दिक्तेल रुपाकोट मझुवागढी नगरपालिकाको लेखापरीक्षण गरिने निर्देशक खत्रीले बताए।

आचार्यको टोलीले हलेसी, रावाबेंशी, ऐसेलुखर्क गाउँपालिकाको लेखापरीक्षण सकेको हो। आचार्यको टोलीले केपिलासगढी गाउँपालिकाको लेखापरीक्षण गरिरहेको छ। यहि टोलीले साकेला गाउँपालिकाको लेखापरीक्षण गर्नेछ।
यो पनि पढ्नुहोस,खोटाङका स्थानीय तहमा करोडौंको बेरुजु, कुनमा कति हेर्नुहोस