समायोजन खबर, नेकपा (एकिकृत समाजवादी)ले पदाधिकारी चयन गरेको छ। बिहीबार बसेको सचिवालय बैठकले पदाधिकारी चयन गरेको हो। चयन भएका पदाधिकारीमा उपाध्यक्ष राजेन्द्र पाण्डे, धर्मनाथ साह, जयन्ती राई र प्रमेश हमाल चयन हुनु भएको छ।

यसैगरी, महासचिवमा बेदुराम भुसाल र उपमहासचिवमा विजय पौडेल र प्रकाश ज्वाला चुनिनु भएको छ। यस्तै, सचिवमा रामकुमारी झाँक्री, जगन्नाथ खतिवडा, नागेन्द्र चौधरी, केशवलाल श्रेष्ठ चयन हुनु भएको छ।

आज बस्ने केन्द्रीय कमिटीको बैठकले अनुमोदन गर्ने जनाइएको छ। एकीकृत समाजवादीमा अध्यक्ष एक, वरिष्ठ नेता १, उपाध्यक्ष ७, महासचिव १, उपमहासचिव २ र सचिव ७ गरी १७ जना पदाधिकारी रहने जनाइएको छ।