समायोजन खबर खोटाङ, खोटाङको खोटेहाङ गाउँपालिका–७ खोटाङबजारमा आयुर्वेद शाखाको भवन निर्माण गरिएको छ।

८२ लाख ५० हजारमा निर्माण गरिएको दुई तले भवनको गाउँपालिका अध्यक्ष प्रदीप राईले उद्घाटन गरे। यो भवन सघन सहरी तथा भवन निर्माण आयोजनामार्फत निर्माण भएको हो। २० असार २०७२ मा स्थापना भएको आयुर्वेद शाखा यसअघि भवन अभावमा भाडाको घरमा सञ्चालित थियो।

आयुर्वेद शाखाबाट खोटेहाङ गाउँपालिका सहित, जन्तेढुंगा गाउँपालिका, बराहपोखरी गाउँपालिका र दिप्रुङ चुईचुम्मा गाउँपालिकाका सर्वसाधारण लाभान्वित भइरहेका छन्।

आयुर्वेद औषधिले ‘साइड इफेक्ट’ नगर्ने भएकाले पछिल्लो समय स्वास्थ्य सेवाका लागि आयुर्वेद शाखामा चेकजाँज गर्न आउने स्थानीय बढेको गाउँपालिका अध्यक्ष राईले बताए।