समायोजन खबर खोटाङ, रियालिटी सो ‘द भ्वाईस अफ नेपाल’ सिजन ३ का प्रतिस्पर्धी ज्वाला राईलाई खोटाङबाट २७ हजार बढी भोट गएको छ। खोटाङ खार्मीका एलवि मगरको संयोजकत्वमा बनेको ‘ज्वाला राई जिताउ अभियान’का १०१ सदस्यीय समितिको पहलबाट २७ हजार १ सय भोट गएको हो।

९ साउनबाट २३ साउनसम्म १५ दिन चलाएको अभियानले संकलन गरेको ८१ हजार ३ सय रुपैयाँले उक्त भोट गरिएको ज्वाला राई जिताउ अभियानले जनाएको छ।

भोटका लागि विदेशबाट ३१ हजार, जिल्लाबासीवाट ५० हजार ३ सय रकम संकलन भएकोे संयोजक मगरले बताए।

द भ्वाईस अफ नेपालको ग्रान फिनालेमा राईसहित किरण गजमेर, तारा श्रीष मगर, आर्यन तामाङ छन्। अहिले हिमालय टेलिभिजनमा ग्रान फिनाले प्रसारण भईरहेको छ।