समायोजन खबर खोटाङ, प्रदेश १ मा कोरोना संक्रमण दर उकालो लागेको छ। पछिल्लो २४ घण्टामा ७७३ जनामा कोरोना संक्रमण देखिएको छ। १ हजार ५४९ जनाको पीसीआर परीक्षण गर्दा ४११ र १ हजार १६३ जनाको एन्टिजेन परीक्षण गर्दा ३६२ जनामा संक्रमण देखिएको सामाजिक विकास मन्त्रालयले जनाएको छ।

मन्त्रालयका अनुसार पीसीआर परीक्षणका आधारमा मोरङमा १३२, सुनसरीमा ११३, झापामा ११२, धनकुटामा २३, इलाममा ६, उदयपुरमा ५, खोटाङमा ३, पाँचथर र ते¥हथुममा २–२, संखुवासभामा १ र प्रदेश १ बाहिरका १२ जनामा संक्रमण देखिएको छ।

प्रदेश १ मा ८३४ जना संक्रमणमुक्त भएका छन्। संक्रमणमुक्त हुनेमा ३७९ महिला र ४५५ पुरुष रहेको छन्। पछिल्लो २४ घण्टामा ११ जनाको कोरोना संक्रमणबाट मृत्यु भएको छ। मृत्यु हुनेमा ४ महिला र ७ पुरुष रहेको सामाजिक विकास मन्त्रालयले जनाएको छ।