समायोजन खबर खोटाङ, प्रदेश १ मा आज ५५५ जना कोरोना संक्रमणमुक्त भएका छन्। संक्रमणमुक्त हुनेमा २५१ महिला र ३०४ पुरुष रहेका छन्। हालसम्म कोरोना संक्रमणमुक्त हुनेको संख्या ६३ हजार ७४३ पुगेको छ।

प्रदेश १ मा आज ४७८ जना कोरोना संक्रमित थपिएका छन्। झापामा १४३, सुनसरीमा १३९, मोरङमा ९७, ताप्लेजुङमा १०, इलाममा ७, उदयपुर र धनकुटामा ६–६, ते¥हथुममा ३, संखुवासभामा २, ओखलढुङ्गा, भोजपुर र खोटाङमा १–१ र प्रदेश १ बाहिरका ३९ जनामा संक्रमण देखिएको सामाजिक विकास मन्त्रालयले जनाएको छ।

प्रदेश १ मा कोरोना संक्रमितको संख्या ७२ हजार १४७ पुगेको छ। सक्रिय संक्रमित ७ हजार १६१ रहेको छ। प्रदेश १ मा आज १ हजार ३५९ जनाको पीसीआर परीक्षण गरिएको छ। परीक्षण गरिएका मध्ये २०८ महिला र २७० पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ।