समायोजन खबर खोटाङ, प्रदेश १ मा आज ७१७ जना कोरोना संक्रमणमुक्त भएका छन्। संक्रमणमुक्त हुनेमा ३२४ महिला र ३९३ पुरुष छन् । हालसम्म कोरोना संक्रमणमुक्त हुनेको संख्या ६३ हजार १८८ पुगेको छ।

प्रदेश १ मा आज ३६८ जना कोरोना संक्रमित थपिएका छन्। मोरङमा ११८, सुनसरीमा ११७, झापामा १०५, धनकुटामा १०, इलाममा ६, उदयपुरमा २, पाँचथर, संखुवासभा र भोजपुरमा १–१, प्रदेश १ बाहिरका ७ जनामा संक्रमण देखिएको सामाजिक विकास मन्त्रालयले जनाएको छ।

प्रदेश १ मा कोरोना संक्रमितको संख्या ७१ हजार ६६९ पुगेको छ। सक्रिय संक्रमित ७ हजार २५६ रहेको छ। प्रदेश १ मा आज १ हजार १०२ जनाको पीसीआर परीक्षण गरिएको छ। परीक्षण गरिएका मध्ये १९९ महिला र १६९ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ।