समायोजन खबर खोटाङ, प्रदेश १ मा आज १ हजार ७४० जना कोरोना संक्रमणमुक्त भएका छन्। संक्रमणमुक्त हुनेमा ७७७ महिला र ९६३ पुरुष रहेका छन् । मोरङबाट सवैभन्दा बढी ६८३ जना संक्रमणमुक्त भएका छन्।

हालसम्म संक्रमणमुक्त हुनेको संख्या ५४ हजार ११३ रहेको सामाजिक विकास मन्त्रालयले जनाएको छ। प्रदेश १ मा आज ३७१ जना कोरोना संक्रमित थपिएका छन्।

प्रदेश १ मा कोरोना संक्रमितको संख्या ६७ हजार ५९९ पुगेको छ। सक्रिय संक्रमितका संख्या १२ हजार ४०२ रहेको छ। प्रदेश १ मा आज १ हजार १७१ जनाको पीसीआर परीक्षण गरिएको छ। परीक्षण गरिएका मध्ये १७६ महिला र १९५ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ।