समायोजन खबर खोटाङ, प्रदेश १ मा आज ३३७ जना कोरोना संक्रमित थपिएका छन्। मोरङमा १०७, झापामा ९५, सुनसरीमा ५०, पाँचथरमा ३२, उदयपुरमा २४,सोलुखुम्वुमा १३, संखुवासभामा ५, इलाममा ३, धनकुटा र भोजपुरमा १–१ र प्रदेश १ बाहिरका ६ जनामा संक्रमण देखिएको सामाजिक विकास मन्त्रालयले जनाएको छ।

प्रदेश १ मा कोरोना संक्रमितको संख्या ६५ हजार ६७८ पुगेको छ। संक्रमित भएका मध्ये ४८ हजार ८८० जना संक्रमणमुक्त भएका छन्। सक्रिय संक्रमितको संख्या १५ हजार ७५१ रहेको मन्त्रालयले जनाएको छ।

आज ३०९ जना संक्रमणमुक्त भएका छन्। प्रदेश १ मा आज ९२६ जनाको पीसीआर परीक्षण गरिएको छ। परीक्षण गरिएका मध्ये १४५ महिला र १९२ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ।