समायोजन खबर खोटाङ, पछिल्लो २४ घण्टामा देशभर थप ५ हजार ४२ जना व्यक्ति कोरोना संक्रमित भएका छन्।

स्वास्थ्य तथा जनसंख्या मन्त्रालयका अनुसार ११ हजार ४७१ जनाको पिसिआर र ५ हजार ३४३ जनाको एन्टीजेन परीक्षण गरिएको थियो । पाँच हजार ३४३ एन्टीजेन परीक्षण गरिएकोमा एक हजार ५०२ को रिपोर्ट पोजेटिभ आएको छ ।

पछिल्लो २४ घण्टामा देशभर ८ हजार २४३ जना कोरोना संक्रमणमुक्त भएका छन् । हालसम्म नेपालमा ४ लाख ८४ हजार ३७३ जना संक्रमित निको भएका छन् ।

पछिल्लो २४ घण्टामा कोरोना संक्रमणबाट थप ६८ जनाको मृत्यु भएको छ। नेपालमा हालसम्म पिसिआर परीक्षणमा ५ लाख ८५ हजार १०० र एन्टीजेन परीक्षणबाट १३ हजार १०४ जनामा कोरोना संक्रमण देखिएको छ ।