समायोजन खबर खोटाङ, हलेसी तुवातुङ नगरपालिकाकी उपप्रमुख बिमला राईले कोरोना संक्रमित एक जना गर्भवती महिलालाई पोषिलो खानेकुरा प्रदान गरेकी छन् ।

आफ्नै खर्चमा उपप्रमुख राईले शनिवार हलेसी तुवातुङ नगरपालिका–४ बडहरेकी २१ वर्षीया मनिषा कटवाललाई दुई क्यारेट अण्डा, दुई डल्ला नुहाउने साबुन र एक बट्टा हर्लिक्स प्रदान गरेकी हुन ।

तीन पटक परिक्षण गर्दा पनि कोरोना पोजेटिभ देखिएर २० दिनसम्म होम आइसोलेसनमा बसेकी ती महिलालाई उपप्रमुख राईले शनिवार घरैमा पुगेर पोषिलो खानेकुरा प्रदान गरेकी हुन।

उपप्रमुखको नेतृत्वमा गएका स्वास्थ्यकर्मीको टोलीले शनिवार एन्टिजेन परीक्षण गर्दा ती महिलाको रिपोर्ट नेगेटिभ आएको छ। कोरोनामुक्त भएपछि उनी खुशी भएकी छन्।