समायोजन खबर खोटाङ, पछिल्लो २४ घण्टामा थप ४ हजार ४ सय ८७ जनामा कोरोना संक्रमण पुष्टि भएको छ ।

देशभर गरिएको १४ हजार ६ जनाको पीसीआर र ७४६ जनाको एन्टीजेन परीक्षणका क्रममा ४ हजार ४ सय ८७ जनामा संक्रमण पुष्टि छ। यो सँगै कुल संक्रमितको संख्या ५ लाख ५३ हजार ४ सय २२ पुगेको छ। जसमध्ये १ लाख ११ हजार ५ सय ९ जना सक्रिय संक्रमित छन्।

योसंगै कुल संक्रमितको संख्या ५ लाख ५३ हजार ४ सय २२ पुगेको स्वास्थ्य तथा जनसंख्या मन्त्रालयले जनाएको छ। पछिल्लो २४ घण्टामा संक्रमणबाट ११६ जनाको मृत्यु भएको मन्त्रालयले जनाएको छ।

पछिल्लो २४ घण्टामा ६ हजार ८० जना संक्रमणमुक्त भएका छन्। हालसम्म ४ लाख ३४ हजार ७ सय ५० जना संक्रमणमुक्त भएको मन्त्रालयले जारी गरेको विज्ञप्तिमा उल्लेख छ।