समायोजन खबर खोटाङ,खोटाङमा थप दश जनामा कोरोना संक्रमण पूष्टि भएको छ। शनिबार विभिन्न नगरपालिका तथा गाउँपालिकामा परिक्षण गर्दा उनीहरुमा संक्रमण पूष्टि भएको हो।

हलेसी तुवाचुङ नगरपालिकामा आठ जना र ऐेसेलुखर्क गाउँपालिकामा दुई जनामा कोरोना संक्रमण पूष्टि भएको स्वास्थ्य कार्यालय खोटाङका जनस्वास्थ्य अधिकृत एवं कोभिड फोकल पर्सन आनन्द लामीछाने जानकारी दिए।

योसँगै जिल्लामा कोरोना संक्रमितको संख्या १२८ जना पुगेको छ। हालसम्म छ जनाले कोरोना जितेर घर फर्केका छन्। एक जना संक्रमितको मृत्यु भएको छ। संक्रमितमध्ये अधिकांश होम आइसोलेसनमा र केही भने स्वास्थ्य संस्थामा सामान्य उपचारमा रहेको स्वास्थ्य कार्यालयले जनाएको छ।

हालसम्म दिक्तेल रुपाकोट मझुवागढी नगरपालिकामा ५३ जना, हलेसी तुवाचुङ नगरपालिकामा २५ जना, साकेला गाउँपालिकामा २३ जना, ऐसेलुखर्क गाउँपालिकामा १४ जना, रावाबेसी गाउँपालिकामा ५ जना, खोटेहाङ गाउँपालिकामा ५ जना र जन्तेढुंगा गाउँपालिकामा ३ जना संक्रमित छन्।