समायोजन खबर खोटाङ, प्रदेश १ मा शनिबार ५९१ जना कोरोना संक्रमित थपिएका छन्। मोरङमा ३२७, झापामा १६०, सुनसरीमा ३७, ताप्लेजुङमा ११, भोजपुरमा १०, इलाममा ४, पाँचथरमा २, उदयपुरमा १ र प्रदेश १ बाहिरका ३९ जनामा संक्रमण देखिएको सामाजिक विकास मन्त्रालयले जनाएको छ।

प्रदेश १ मा कोरोना संक्रमितको संख्या ४३ हजार १९८ पुगेको छ। संक्रमित भएका मध्ये ३० हजार ८५६ संक्रमणमुक्त भएका छन्। आज १४५ जना संक्रमणमुक्त भएका छन्। सक्रिय संक्रमितको संख्या ११ हजार ७०८ पुगेको छ।

प्रदेश १ मा आज १ हजार ३१९ जनाको पीसीआर परीक्षण गरिएको छ। परीक्षण गरिएका मध्ये २४३ महिला र ३४८ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ।