समायोजन खबर खोटाङ, खोटाङको रावाबेशी गाउँपालिकाले अनुदानमा कृषकहरुलाई हाते ट्याक्टर वितरण गरेको छ । कृषिमा व्यवसायिकता र सहजताका लागि गाउँपालिका भित्रका १४ वटा कृषक समुहलाई ८५ प्रतिशत अनुदानमा मंगलबार हाते ट्याक्टर वितरण गरिएको हो ।

गाउँपालिकाले आर्थिक वर्ष २०७७/०७८ को वार्षिक बजेटबाट कुभिण्डेको कोसेली कृषक समुह, माझगाउँ बिहिबारे कृषक समुह, डाँडाटोल कृषक समुह, खार्पाको राताडाँडा कृषक समुह, बहुउद्देश्य कृषक समुह र पिपलडाँडा कृषक समुहलाई हाते ट्याक्टर वितरण गरिएको गाउँपालिकाले जनाएको छ ।
लामिडाँडाको आरुवोट कृषक समुह, सानीडाँडा कृषक समुह, डुम्रेधारापानीको सुर्यदय कृषक समुह, धारापानी कृषक समुह, दुवेकोलको समानतादेवी कृषक समुह, मिलिजुली कृषक समुह तथा हौचुरको भिसेनटोल कृषक समुह र महादेव फलफुल तथा तरकारी कृषक समुहले हाते ट्याक्टर पाएका छन् ।

कृषकहरुलाई गाउँपालिका अध्यक्ष लिलानाथ निरौला र उपाध्यक्ष समला राईले ट्याक्टर वितरण गरेका थिए । खोटाङ एग्रो ट्रेड एण्ड सप्लायर्स दिक्तेलले सामान र प्राबिधिक सिप उपलब्ध गराएको थियो ।