समायोजन खबर खोटाङ, प्रदेश नम्बर १ बाट सञ्चालित सगरमाथा टिन्स क्लबको पुनर्गठन गरिएको छ । ऐसेलुखर्क गाउँपालिका–३ ऐसेलुखर्कस्थित त्रिभुवन माध्यमिक विद्धालयमा ५ माघमा कविता बनको अध्यक्षतामा क्लबको पुनर्गठन गरिएको हो ।

१५ सदस्यीय क्लबको उपाध्यक्षमा धिमा राई र मोहन वि.क, सचिवमा इन्द्र बहादुर खुलाल र कोषाध्यक्षमा नविन श्रेष्ठ चयन भएका छन् । क्लबले किशोर किशोरीहरुको हकहितमा अग्रसर भएर काम गर्दछ ।

क्लबको अध्यक्ष बाल कुमार बस्नेतले कक्षा १२ को अध्ययन सकेर विद्धालयबाट विदाइ भएपछि क्लब पुर्नगठन गरिएको हो । पुनर्गठीत क्लबले पाक्षिक भित्ते पत्रिका प्रकाशन गर्ने, विद्यालय परिषर स्वच्छ तथा हराभरा बनाउने र किशोर किशोरीमा लुकेर रहेका प्रतिभालाई वाहिर ल्याउनमा सघाउने अध्यक्ष बनले बताईन् ।