समायोजन खबर खोटाङ, सुपर खोटाङ भोजपुर यातायात प्रालिले १९ सिटर फोटन माइक्रो भ्यान (हायस गाडी) सञ्चालनमा ल्याएको छ । मंगलबार दिक्तेलस्थित होटल शुभदिनमा उद्घाटन कार्यक्रम गरेर भ्यान सञ्चालनमा ल्याएको हो ।

दिक्तेल रुपाकोट मझुवागढी नगरपालिकाका नगरप्रमुख दिपनारायण रिजालले रिवन काटेर माइक्रो भ्यानको उद्घाटन गरेका छन् ।

माइक्रो भ्यान काठमाण्डौ–दिक्तेल सञ्चालन गरिने सुपर खोटाङ भोजपुर यातायात प्रालिका उपाध्यक्ष सन्तोष पौड्यलले जानकारी दिए ।

तत्काललाई १ वटा भ्यान सञ्चालनमा ल्याएको र समयसापेक्ष ९/१० वटा भ्यान सञ्चालनको तयारी रहेको पौड्यलले बताए । भाडादरको विषयमा भने व्यवसायी र प्रशासन बसेर टुंगो लगाइने जनाइएको छ ।