समायोजन खबर खोटाङ, महालेखापरीक्षकको टोली खोटाङको दिप्रुङ चुइचुम्मा गाउँपालिका पुगेको छ । आर्थिक वर्ष २०७६/०७७ को लेखापरीक्षण गर्नका लागि टोली त्यहाँ पुगेको हो ।

२५ पुसमा दिप्रुङ पुगेको टोलीले २६ पुसबाट लेखापरीक्षण सुरु गरेको गाउँपालिकाले जनाएको छ । ऐसेलुखर्क गाउँपालिका, हलेसी तुवाचुङ नगरपालिका, दिक्तेल रुपाकोट मझुवागढी नगरपालिका, रावावेशी गाउँपालिका र साकेला गाउँपालिकाको लेखापरीक्षण सकेर दिप्रुङ चुईचम्मा गाउँपालिकामा लेखापरीक्षण गर्न आइपुगेको लेखापरीक्षण अधिकारी किशोर पोखरेलले जानकारी दिए ।

लेखापरीक्षण सकिएको पाँच स्थानीय तहको प्रारम्भिक लेखापरीक्षण रिपोर्ट भने प्राविधिक कारणले बनाउन बाँकी रहेको पोखरेलले बताए । सम्पूर्ण स्थानीय तहको लेखापरीक्षण सकेर प्रारम्भिक लेखापरीक्षण रिपोर्ट बनाईने र सार्वजनिक गरिने पोखरेलको भनाई छ ।२०७७ पुस २७ गते विहान ८ :३४ मा प्रकाशित