समायोजन खबर खोटाङ, भोजपुरमा अन्नपूर्णकर्मीसहित तीन पत्रकार सम्मानित भएका छन् । नेपाल पत्रकार महासङ्घ जिल्ला शाखाको आज भएको सातौँ साधारणसभामार्फत अन्नपूर्णकर्मी प्रदीपचन्द्र राई,राससकर्मी युवराज विष्ट र अर्जुन बस्नेत सम्मानित भएका हुन् ।

राईलाई, ‘तिलकबहादुर मनमाया राई पर्यटन पत्रकारिता’ पुरस्कार, विष्टलाई ‘लोकनाथ दाहाल स्मृति खोज पत्रकारिता’ पुरस्कार, र बस्नेतलाई ‘मनमाया राई पर्यटन पत्रकारिता पुरस्कार’द्वारा सम्मानित गरिएको महासङ्घ जिल्ला शाखाका अध्यक्ष श्यामकृष्ण दाहालले जानकारी दिए। तीनै जनालाई जिल्लामा रहेर पत्रकारिता क्षेत्रमा पु¥याएको योगदानका आधारमा पुरस्कृत गरेको उनले बताए ।

साधारणसभामा नेपाल पत्रकार महासङ्घका केन्द्रीय कोषाध्यक्ष राजेशकुमार मिश्र, महासङ्घका केन्द्रीय सदस्य छेटु शेर्पा, नेपाल पत्रकार महासङ्घ प्रदेश नं १ का अध्यक्ष विक्रम लुइँटेल, महासचिव विवेक गौतमलगायतको उपस्थिति थियो । राससको सहयोगमा ।२०७७ पुस १९ गते साँझ ७ :१६ मा प्रकाशित