समायोजन खबर खोटाङ, खोटाङको दिप्रुङ चुइचुम्मा गाउँपालिकाले अग्नि पिडितलाई आर्थिक सहयोग गरेको छ । गाउँपालिकाले दिप्रुङ चुइचुम्मा गाउँपालिका– ६ छितापोखरी बास्थलाका अग्नि पिडित हरि बहादुर तामाङलाई शुक्रबार आर्थिक सहयोग गरेको हो ।

अग्नि पिडित तामाङलाई २० हजार नगद सहयोग गरिएको गाउँपालिकाले जनाएको छ । गाउँपालिका अध्यक्ष भुपेन्द्र राईले अग्नि पिडितको घर निरिक्षण गरेर पिडित तामाङलाई सहयोग रकम हस्तान्तरण गरेका हुन् ।

ढुंगा माटोले बनेको १ तले घरमा २१ मंसिर राती ९ वजे बरण्डाबाट आगो लागेको थियो । आगलागीमा परी लत्ताकपडा, अन्नपात, भाडावर्तन र ४० हजार नगद जलेको थियो । २०७७ पुस ३ गते राती ८ :०८ मा प्रकाशित