समायोजन खबर खोटाङ, नेपाल बौद्ध महायान केन्द्र गोन्पा कपन काठमाण्डौले हलेसी तुवाचुङ नगरपालिका–१ बाहुनीडाँडाका ५२० घरपरिवारलाई राहत वितरण गरेको छ ।

हलेसी तुवाचुङ नगरपालिकाका नगरप्रमुख इवन राई र उपप्रमुख विमला राईको विशेष पहल र गोन्पाको आर्थिक सहयोगमा खडेरी पिडित, कोरोना प्रभावित, अति विपन्न परिवारलाई शुक्रबार राहत वितरण गरिएको हो ।

राहत स्वरुप प्रति परिवार ३० केजी चामल, एक लिटर खानेतेल र एक केजी नुन वितरण गरिएको हो ।  राहत नगरप्रमुख राई, उपप्रमुख राई र गुम्बा विकास समितिका अध्यक्ष भिक्षु थोप्तेन जिकडोल लामाले वितरण गरेका हुन् ।

यहि संस्थाले बिहीबार डिकुवाका ४३० घरपरिवारलाई राहत वितरण गरेको थियो ।२०७७ पुस ३ गते दिउँसो ४ :२५ मा प्रकाशित