समायोजन खबर खोटाङ, नेपाल बौद्ध महायान केन्द्र गोन्पा कपन काठमाण्डौले हलेसी तुवाचुङ नगरपालिका–२ डिकुवाका ४३० घरपरिवारलाई राहत वितरण गरेको छ ।

खडेरी पिडित, कोरोना प्रभावित, अति विपन्न र सुख्खा क्षेत्रका परिवारलाई बिहीबार राहत वितरण गरेको हो ।हलेसी तुवाचुङ नगरपालिकाका नगरप्रमुख इवन राई र उपप्रमुख विमला राईको विशेष अनुरोधमा गोन्पाले राहत वितरण गरेको जनाएको छ ।
राहत स्वरुप प्रति परिवार ३० केजी चामल, एक लिटर खानेतेल र एक केजी नुन वितरण गरिएको हो ।  राहत नगरप्रमुख राई, उपप्रमुख राई र गुम्बा विकास समितिका अध्यक्ष भिक्षु थोप्तेन जिकडोल लामाले वितरण गरेका हुन् ।२०७७ पुस २ गते राती ८ :३९ मा प्रकाशित