समायोजन खबर खोटाङ, प्रमुख प्रतिपक्षी दल नेपाली कांग्रेस खोटाङले वर्तमान ओली सरकारविरुद्ध विरोध प्रदर्शन गरेको छ ।
सर्वसत्तावाद, भ्रष्टाचारी, बलात्कार र शासन गर्ने नैतिक आधार गुमाई सकेको ओली सरकार विरुद्ध सदरमुकाम दिक्तेलमा विरोध प्रर्दशन गरेको हो ।
पार्टी कार्यालयबाट रत्नपार्क, रत्नपार्क–हाटडाँडा र हाटडाँडादेखी स्थानीय हेलिप्याडसम्म सरकारविरुद्ध कांग्रेसले चर्को नारावाजी गरेका थिए । विरोध जुलुस स्थानीय हेलिप्याडमा गएर सभामा परिणत भएको थियो । सभालाई कांग्रेसका केन्द्रीय सदस्य गुरुराज घिमिरेले सम्बोधन गर्नेछ ।
सरकार भ्रष्ट्राचार, कुशासन र अधिनायकवादतर्फ उन्मुख भएको भन्दै कांग्रेसले आज देशव्यापी विरोध प्रदर्शन गरेको हो ।२०७७ मंसिर २९ गते अपरान्ह ३ :३२ मा प्रकाशित