समायोजन खबर खोटाङ, नेपालमा पछिल्लो २४ घण्टामा थप २५ जनाको कोरोना भाइरसको संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ ।

योसँगै नेपालमा कोरोनाले ज्यान गुमाउनेको संख्या १४७९ पुगेको छ । पछिल्लो २४ घण्टामा थप १४०४ जना कोरोना संक्रमणमुक्त भएका छन् । उनीहरुको देशका विभिन्न अस्पताल तथा होम आइसोलेसनमा थिए । योसँगै नेपालमा कोरोना संक्रमणमुक्त हुनेको संख्या हालसम्म २ लाख १२ हजार ५९० पुगेको छ ।

यस्तै,पछिल्लो २४ घण्टामा देशभर १ हजार २ सय ५५ जनामा कोरोना संक्रमण देखिएको छ। यो सहित नेपालमा कुल संक्रमितको संख्या २ लाख ३१ हजार ९ सय ७८ पुगेको छ। पछिल्लो २४ घण्टामा काठमाडौं उपत्यकामा मात्र ५४८ जनामा कोरोना संक्रमण देखिएको छ।२०७७ मंसिर १४ गते साँझ ६:५४ मा प्रकाशित