समायोजन खबर खोटाङ, खोटाङको रावाबेशी गाउँपालिकाले कक्षा ११ को वार्षिक परीक्षा सुरु गरेको छ । राष्ट्रिय परीक्षा वोर्ड परीक्षा सञ्चालन व्यवस्थापन प्रमाणिकरण कार्यविधि २०७७ अनुसार गाउँपालिकाले तीन वटा विद्धालयमा बुधबारदेखी परीक्षा सुरु गरेको हो ।

डुम्रेधारापानीको देउराली मावि, खार्पाको शारदा मावि र लामिडाँडाको विश्वज्योती माविमा परीक्षा सुरु गरिएको गाउँपालिकाले जनाएको छ । परीक्षामा ६६ जना छात्र र ९९ जना छात्रा सहभागी छन् । ४ जना छात्र र ११ जना छात्रा अनुपस्थित छन् । परीक्षा ११ मंसिरमा सम्पन्न हुनेछ ।

परीक्षा हलभित्र प्रवेश गराउनु पूर्व परीक्षार्थी र शिक्षकको ज्वरो मापन गरिएको र सामाजिक दुरी कायम गराइएको गाउँपालिका अध्यक्ष लिलानाथ निरौलाले जानकारी दिनुभयो । अध्यक्ष निरौलाका अनुसार पालिकाले कक्षा ११ को प्रश्नपत्र तयार गरेको हो । यस्तै, कक्षा १२ को परीक्षा ९ मंसिरबाट सुरु गरिने गाउँपालिका अध्यक्ष निरौलालले जानकारी दिनुभयो ।
यसअघि २३ कार्तिकबाट दिप्रुङ चुइचुम्मा गाउँपालिकाले गाउँपालिका स्तरीय कक्षा ११ परीक्षा सुरु गरेको थियो ।
यो पनि,दिप्रुङमा कक्षा ११ को परीक्षा सुरु

२०७७ मंसिर ३ गते साँझ ६ :५४ मा प्रकाशित