समायोजन खबर खोटाङ, खोटाङमा ४६ जनाले कोरोना भाइरस (कोभिड–१९) जितेका छन् । हालसम्म ६६ जना कोरोना संक्रमित हुंदा ४६ जनाले कोरोना जितेर घर फर्केका हुन् ।

२० जना कोरोना संक्रिय संक्रमित उपचाररत रहेको जिल्ला प्रशासन कार्यालयले जनाएको छ । सबैभन्दा बढी दिक्तेल रुपाकोट मझुवागढी नगरपालिकामा संक्रमित छन् । प्रशासनका अनुसार दिक्तेलमा ४८ जना कोरोना संक्रमित छन् ।

दिक्तेलमा १८, केपिलासगढी गाउँपालिका र जन्तेढुंगा गाउँपालिकामा एक/एक जना उपचाररत छन् । दिक्तेलबाट पठाइएको २० जनाको पिसिआर परिक्षण रिपोर्ट आउँन बाँकी छ ।

हालसम्म दिप्रुङ चुइचुम्मा गाउँपालिकामा १, खोटेहाङ गाउँपालिकामा ४, हलेसी तुवाचुङ नगरपालिकामा ४, साकेला गाउँपालिकामा ४, केपिलासगढी गाउँपालिकामा १, ऐसेलुखर्क गाउँपालिकामा १, जन्तेढुंगा गाउँपालिकामा २ र बराहपोखरी गाउँपालिकामा १ जनामा कोरोना संक्रमण देखिएको थियो ।२०७७ कार्तिक २८ गते दिउँसो ३ :३४ मा प्रकाशित