समायोजन खबर खोटाङ, खोटाङको दुई नगरपालिकाका उपप्रमुखहरुले यो पटकको तिहार स्वास्थ्य सावधानी अपनाएर मनाउने भएका छन् । दिक्तेल रुपाकोट मझुवागढी नगरपालिका र हलेसी तुवाचुङ नगरपालिकाकी उपप्रमुखले कोरोना महामारीलाई मध्यनजर राख्दै स्वास्थ्य मापदण्ड पालना गरेर तिहार मनाउन लागेका हुन् ।
विणादेबी राई, उपमेयर दिक्तेल रुपाकोट मझुवागढी नगरपालिका
दिक्तेल रुपाकोट मझुवागढी नगरपालिकाकी उपप्रमुख विणादेबी राईले यो वर्षको तिहार बुईपामा मनाउँदै छिन् । दुई जना माइतीहरुलाई फुलटिका लगाएर तिहार मनाउने योजना रहेको राईले बताईन् ।
आफ्नै दुई जना भाईहरु भएता पनि एक जना वाहिर भएकाले एक जना आफ्नै भाइ र अर्कोजना बडा (तुप्पा)को छोरा(दाई)लाई फुलटिका लगाएर तिहार मनाउन लागेको उपप्रमुख राईले जानकारी दिईन् ।

कोरोनाका कारण सदाझै परिस्थिती सामान्य छैन, जहाँ छौ त्यही बसेर चाडपर्व मनाउनुहोस । गत वर्षहरुमा जस्तो भीडभाड गरेर देउसी भैलो खेल्ने, शुभकामना आदान–प्रदान गर्ने, जमघट र भेलाहरु केही नगरौ । उपप्रमुख राईले भनिन् “यो पटक परिवारमा जे–जति छौ त्यतिले नै सामान्य ढंगले तिहार मनाउँ ।”
बिमला राई, उपमेयर हलेसी तुवाचुङ नगरपालिका
हलेसी तुवाचुङ नगरपालिकाकी उपप्रमुख बिमला राईले यो वर्षको तिहार परिवारको साथमा दिक्तेलमा मनाउँदै छिन् । राईको छ जना माईतीहरुमा दुई जना परदेशमा र चार जना गाउँमा रहेका छन् । गाउँमा रहेका चार जना माईतीहरुलाई यो पटक ठूलो दिदीको हातबाट फुलटिका लगाउने योजना रहेको राईले सुनाईन् ।

कोरोना महामारीको विचमा तिहार मनाउनु पर्ने भएकाले आफू सुरक्षित हुने उपायहरु अवलम्बन गर्न जरुरी छ । आफ्नो सुरक्षा अरुले गरेर नहुने रहेछ । उपप्रमुख राईले भनिन् “आफ्नो सुरक्षाका विधि प्रणाली चाँहि अवश्य अवलम्बन गर्नुहोला ।”२०७७ कार्तिक २८ गते बिहान ७ : १९ मा प्रकाशि