समायोजन खबर खोटाङ, आगलागीमा खोटाङको जन्तेढुंगा गाउँपालिका–६ दिप्लुङ सोभेका बिश्वराम मगरको ६ वटा पशुचौपाय डढेर घाईते भएका छन् । शुक्रबार राती २ बजे गोठबाट सल्किएको आगोले घर जल्दा मगरको एक वटा भैंसी, एक वटा पाडो, तीन वटा बाछी र एक वटा बहर घाईते भएका हुन् ।

आगोमा जलेका भैंसी र पाडो बाँच्न नसक्ने अवस्थामा निकालिएको स्थानीय नेकपाका नेता जगत किरातीले बताए ।  आगलागीमा मगरको अन्न, काठपात, बन्दोबस्तीका सामान लगायत जल्दा करिब १० लाखको क्षती भएको अनुमान गरिएको छ । घरसँगै रहेको गोठमा बालेको धुपबाट घर जलेको अनुमान गरिएको छ । घर जलेपछि मगरका ९ जनाको परिवार हाल अर्को फगतपुरमा रहेको आफ्नै घरमा बसिरहेका छन् ।२०७७ कार्तिक २३ गते दिउँसो १ :५६ मा प्रकाशित