समायोजन खबर खोटाङ, खोटाङमा बोलेरो जीप दुर्घट्ना हुंदा तीनजनाको घट्नास्थलमै मृत्यु भएको छ । बराहपोखरी गाउँपालिका–५ पौवासेराको बंशिलाघाटबाट जन्तेढुंगा गाउँपालिका–५ चिसापानीतर्फ आउदै गरेको को १ ज ३४७० नम्बरको बोलेरो जीप पौवासेराको सोह्रखानीमा सोमबार साँझ दुर्घट्ना हुंदा तीनजनाको घट्नास्थलमै मृत्यु भएको हो । चारजना घाइते भएका छन् ।

मृत्यु हुनेमा बराहपोखरी गाउँपालिका–६ मौवाबोटेका दक्षुमान राई, सोही स्थान बस्ने बिश्व राई र बराहपोखरी गाउँपालिका–५ पौवासेराकी बृहस्पति राई रहेकी छन् । मृतक तीनै जनाको उमेर खुल्न बाँकी रहेको जिल्ला प्रहरी कार्यालय खोटाङले जनाएको छ ।

मृतकको शवलाई कानुनी प्रक्रिया पूरा गरेर पोष्टमार्टमका लागि पठाउने तयारी भइरहेको प्रहरीले जनाएको छ । यस्तै, घाइते हुनेमा मृतक बृहस्पति राईको ९ महिने शिशु, उदयपुर चौदण्डीगढी नगरपालिकाका २८ वर्षीय छत्र बहादुर राई र सोही ठाउँका ३२ वर्षीय दिपक परियार छन् । उनीहरुलाई थप उपचारका लागि वीपी कोइराला स्वास्थ्य विज्ञान प्रतिष्ठान धरान पठाइएको छ । बोलेरो जीप अनियन्त्रित भई सडकबाट २५० मिटर तल खसेर दुर्घट्ना भएको प्रहरीले जनाएको छ ।२०७७ कार्तिक ११ गते बिहान ८ :५४ मा प्रकाशितi