समायोजन खबर, सत्तारुढ दल नेपाल कम्युनिष्ट पार्टीका (नेकपा) का सबै सांसदले दशैं भत्ता बापत आएको रकम कोरोना कोषमा जम्मा गर्ने भएका छन् । प्रतिनिधिसभा संसदीय दलका नेता रहेका प्रधानमन्त्री केपी शर्मा ओलीसहित दुवै सदनका संसदीय दलका नेता र सचेतकहरुको बैठकले भत्ता नलिने निर्णय गरेको हो ।

दशै भत्ता कोरोना कोषमा जम्मा गर्ने नेकपाले निर्णय गरेको छ । यस अघिनै नेकपाका केही सांसदहरुले दशैं भत्ता फिर्ता गरेका थिए । कोरोनाका कारण मुलुक नै आर्थिक संकट परेका बेला सांसदहरूले दशैं भत्ता लिएको समाचार चौतर्फी आलोचना भएको थियो ।

यस्तो आलोचना बढेसँगै नेकपा संसदीय दलले त्यसबारेमा पार्टी नेतृत्वसँग छलफल गरेपछि यस्तो निर्णय गरेको हो । प्रमुख प्रतिपक्ष दल नेपाली कांग्रेसले यस अघिनै दशैं भत्ता कोरोना कोषमा जम्मा गर्ने निर्णय गरिसकेको छ ।२०७७ कार्तिक ३ गते साँझ ६ :०२ मा प्रकाशित