समायोजन खबर खोटाङ, नेपाल विधार्थी संघ (नेविसंघ) खोटाङले निःशुल्क मास्क वितरण गरेको छ । नेपालका प्रथम जन निर्वाचित प्रधानमन्त्री विश्वेश्वर प्रसाद कोेइरालाको १०७ औं जन्मजयन्तीको अवसरमा दिक्तेलबजारको चार स्थानमा मास्क वितरण र जनचेतनामूलक कार्यक्रम गरेको हो ।

वीपी जयन्तीको अवसरमा बुधबार बिहान दिक्तेलबजारको किरातचोक (रत्नपार्क), त्रिवेणीचोक, अस्पताल चोक र हाटडाँडामा निःशुल्क मास्क वितरण गरिएको नेविसंघ खोटाङले जनाएको छ । ति चार स्थानबाट विधार्थी, कर्मचारी, श्रमिक, प्रहरी, सर्वसाधरणलाई माक्स वितरण गरिएको होे ।

नेविसंघ जिल्ला सभापति राजकुमार बस्नेतको नेतृत्वमा भएको मास्क वितरण कार्यक्रममा १ हजार ९५० वटा मास्क वितरण गरिएको छ । किरातचोक(रत्नपार्क)मा सभापति बस्नेतको नेतृत्वमा भएको वितरण कार्यक्रममा प्रमुख अतिथि नेपाली कांग्रेस खोटाङका पार्टी सभापति नरेश कुमार श्रेष्ठले मास्क वितरण गरेका थिए ।

यस्तै, त्रिवेणी चोकमा नेविसंघ जिल्ला सचिव तेजिन्द्र घिमिरेको नेतृत्वमा भएको वितरण कार्यक्रममा कांग्रेसका पुर्व पार्टी सभापति विष्णु कुमार राई, सचिव सचिव ज्ञानेन्द्र जोशी, दिक्तेलका वडाध्यक्ष टंक प्रसाद आचार्य, हाटडाँडामा नेविसंघ जिल्ला सह–सचिव मोतिचन्द्र राईको नेतृत्वमा भएको कार्यक्रममा पार्टी सचिव इच्छु राणा, जिल्ला सदस्य प्रकाश कुमार श्रेष्ठ र अस्पताल चोकमा नेविसंघ जिल्ला सदस्य सुमन आचार्यको नेतृत्वमा भएको वितरण कार्यक्रममा महासमिति सदस्य रवि प्रकास राई र सूचना प्रचारप्रसार विभाग प्रमुख सुमनवावु आचार्यले मास्क वितरण गरेका थिए ।
समय सापेक्ष विभिन्न रचनात्मक कार्यक्रम गर्दै आएको नेविसंघले यसपटक कोरोना भाइरस कोभिड–१९ बाट सुरक्षित रहनका लागि मास्क वितरण र जनचेतनामूलक कार्यक्रम गरेको हो ।२०७७ भदौ २४ गते दिउँसो २ :२१ मा प्रकाशित