समायोजन खबर खोटाङ, नेपाल रेडक्रस सोसाइटी खोटाङ जिल्ला शाखाले गर्भवती महिलालाई हाइजिन किट र खाद्यान्न वितरण गरेको छ । रेडक्रसको ५८ औ स्थापना दिवसको अवसरमा बिहीबार दिक्तेल रुपाकोट मझुवागढी नगरपालिका–५ लफ्याङका गर्भवती महिलाहरुलाई निःशुल्क हाइजिन किट र खाद्यान्न वितरण गरेको हो ।रेडक्रस र वडा कार्यालय लफ्याङको समन्वय र सहकार्यमा वडाको प्राङगणमा १६ जना गर्भवती महिलालाई प्रतिब्यक्ति २५ केजी चामल, १ केजी दाल, १ लिटर तेल, १ केजी नुन तथा स्यानिटरी प्याड, लुगा धुने, नुहाउने साबुन, नेलकट, टावलजस्ता सामग्री समावेश गरिएको हाइजिन किट वितरण गरिएको नेपाल रेडक्रस सोसाइटी खोटाङ जिल्ला शाखाका मन्त्री छत्रकुमार बजिमयले जानकारी दिए ।

वडाले सिफारिस गरेका ति गर्भवती महिलाहरुलाई नेपाल रेडक्रस सोसाइटी खोटाङ जिल्ला शाखाका सभापति कुमार सिं बस्नेत, रेडक्रसका मन्त्री बजिमय, लफ्याङका वडाध्यक्ष निर्मल राईले वितरण गरेका थिए ।

यस्तै, बुधबार दिक्तेल रुपाकोट मझुवागढी नगरपालिका–१ दिक्तेलका १० जना गर्भवती महिलालाई पनि हाइजिन किट र खाद्यान्न वितरण गरिएको रेडक्रसका कार्यक्रम संयोजक लोकमाया थापाले बताईन् ।२०७७ भदौ १८ गते साँझ ५ :१८ मा प्रकाशि