समायोजन खबर खोटाङ, स्वास्थ्य चौकी भवन बनाउन स्थानीयले निःशुल्क जग्गा दान गरेका छन् । जिल्लाको ऐसेलुखर्क गाउँपालिका–२ वाकाचोलमा बन्ने स्वास्थ्य चौकी भवनका लागि त्यहाँका तीनजना स्थानीयले जग्गा दान गरेका हुन् ।

निःशुल्क जग्गा दान गर्नेहरुमा मनिमाया राई, महेश्वरादेवी घिमिरे र गुमान सिं सुनुवार छन् । राईले आठ आना, घिमिरेले ६ आना र सुनुवारले चार आना गरी एक रोपनी दुई आना जग्गा दान गरेको वाकाचोलका वडासचिव ललितकुमार बस्नेतले जानकारी दिए ।

उनीहरुले बिहीबार जिल्ला मालपोत कार्यालय दिक्तेलमा आएर स्वास्थ्य चौकीको नाममा जग्गा पास गरिदिएका छन् ।२०७७ भदौ ५ गते बिहान ९ :५३ मा प्रकाशित