समायोजन खबर खोटाङ, खोटाङसहित ६ वटा जिल्ला कोरोना सङ्क्रमणमुक्त जिल्ला भएका छन् । स्वास्थ्य तथा जनसङ्ख्या मन्त्रालयका प्रवक्ता डा. जागेश्वर गौतमका अनुसार खोटाङ, धनकुटा, सङ्खुवासभा, मनाङ, मुस्ताङ, रुकुम पश्चिममा सक्रिय सङ्क्रमितको सङ्ख्या शून्य रहेको छ ।यी जिल्लामा एक पटक सङ्क्रमण पुष्टि भए पनि अहिले सबै निको भएर डिस्चार्ज भइसकेका छन् ।
खोटाङको दिक्तेल रुपाकोट मझुवागढी नगरपालिकाका ६ जना, हलेसी तुवाचुङ नगरपालिकाका ४ जना, ऐसेलुखर्क गाउँपालिकाका १ जना र बराहपोखरी गाउँपालिकाका १ जना कोरोना संक्रमित भएका थिए । उनीहरु उपचारपछि फरक–फरक समयमा घर फर्किसकेका छन् ।२०७७ साउन २३ गते राती १० :५९ मा प्रकाशित