समायोजन खबर खोटाङ, लिफ्टिङ प्रविधिबाट सुनकोशीको पानी बतासेको भण्डारेघाट सिरानमा रहेको रिर्जभ ट्याङकीमा आईपुगेको छ । जिल्लाको दिप्रुङ चुईचुम्मा गाउँपालिकाले बतासेस्थित भण्डारेघाटका स्थानीयहरुले दैनिक उपभोग गर्न र सिंचाईका लागि भन्दै सुनकोशीबाट लिफ्टिङ गरेर तानेको पानी भण्डारेघाट सिरानमा रहेको रिर्जभ ट्याङकीमा आईपुगेकोे हो ।
गाउँपालिकाको आर्थिक वर्ष २०७६/०७७ बाट विनियोजन गरेको ३० लाख बजेटबाट गत माघदेखी थालिएको कोशीको पानी तान्ने काम सकिएसँगै शुक्रबारबाट पानी रिर्जभ ट्याङकीमा आईपुगेको गाउँपालिकाले जनाएको छ । अब सुनकोशीदेखी ८ ईन्चको जिआई पाईपबाट भण्डारेघाटको सिरानमा आएको पानीलाई ४० हजार लिटर क्षमताको ट्याङकीमा जम्मा गरेर शाखा लाईनबाट घरघरमा वितरण गरिनेछ । पानीले ६० घरधुरी बढी लाभान्वित हुनेछ ।
लिफ्टिङको सफल परिक्षण भएर रिर्जभ ट्याङकीमा आईपुगेको पानीलाई आर्थिक वर्ष २०७७/०७८ को बजेटबाट शाखा लाईन विस्तार गरेर खानेपानी घरघरमा पु¥याईने गाउँपालिका अध्यक्ष भुपेन्द्र राईले बताए । महुरे फोक्सिङटार सडकले छोएको भण्डारेघाटको पानीको समस्या र आगामी दिनमा त्यहाँ बजारीकरण हुने कुरालाई ध्यानमा राखेर खानेपानीको व्यवस्थापन गर्न लागिएको अध्यक्ष राईले सुनाए ।
अहिले सो भेगका स्थानीयले बतासेकै हमारा भन्ने स्थानको पानी ल्याएर उपभोग गरिरहेको छ । पानीको अभावमा कोशीकै पानी पनि उपभोग गरिरहेका छन् । २०७७ असार २६ गते साँझ ६ :४७ मा प्रकाशित