समायोजन खबर खोटाङ,खोटाङको जन्तेढुंगा गाउँपालिका–६ दिप्लुङ्गमा केन्द्रिय विद्युत विस्तारको काम सम्पन्न भएको छ । नेपाल सरकारको ६८ लाख, गाउँपालिकाको १५ लाख गरि ८३ लाखको कुल लागतमा विद्युत विस्तारको काम सम्पन्न भएको हो । विद्युत विस्तार भएसँगै उक्त वडाका सिँगापुरे चौक, अल्लेगैरा, खानीगैरा, चापखोरा, नागी, दिप्लुङ्ग लगायतका दुई सय घरधुरी लाभान्वीत भएको गाउँपालिका अध्यक्ष शंखरबहादुर राईले बताए ।
आगामी आर्थिक वर्ष २०७७/२०८८ भित्रमा गाउँपालिकाका सम्पुर्ण वडामा विद्युत विस्तारको काम सम्पन्न गर्ने लक्ष्य रहेको गाउँपालिका अध्यक्ष राईले जनाए । पालिकामा पहिलो पटक गतवर्षको मंसिरमा गाउँपालिका–५ स्थित चिसापानी, खुटा, बितलभ, वाजिपाला, मालबासे बलिसकेका छन् ।२०७७ असार २६ गते साँझ ५ :४३ मा प्रकाशित