समायोजन खबर खोटाङ, जी फाउन्डेसन नेपालले ऐसेलुखर्क गाउँपालिकालाई स्वास्थ्य सामग्री प्रदान गरेको छ । कोरोना भाइरस ९कोभिड–१९० रोकथाम तथा नियन्त्रण अभियानमा सहयोग पु¥याउनका लागि जी फाउन्डेसन नेपालले विहीवार स्वास्थ्य सामग्री प्रदान गरेको हो ।जी फाउन्डेसनले ऐसेलुखर्क गाउँपालिका विभिन्न स्वास्थ्य संस्थाहरुको लागि फोल्डिंग बेड १५ थान, पिपिई सेट २० थान, केएन ९५ मास्क १५० थान, ३० पेर सर्जिकल ग्लोब्स लगायतका सामग्री गाउँपालिका अध्यक्ष विश्वनाथ निरौलालाई प्रदान गरेको ऐसेलुखर्क गाउँपालिकाका आइटी अफिसर सिर्जन राइले जानकारी दिए ।
कोरोना महामारी विरुद्धको अभियानमा हातेमालो गर्नका लागि संस्थागत सामाजिक उत्तरदायित्व अन्तरगत ऐसेलुखर्क गाउँपालिकाका विभिन्न स्वास्थ्य संस्थाहरुको लागि स्वास्थ्य सामग्री प्रदान गरिएको जी फाउन्डेसन नेपालले जनाएको छ ।२०७७ असार १२ गते साँझ ५ : ४५ मा प्रकाशित