समायोजन खबर खोटाङ, खोटाङको हलेसी तुवाचुङ नगरपालिकाले आर्थिक वर्ष २०७७/०७८ का लागि ५२ करोड बढी प्रस्तावित बजेट प्रस्तुत गरेको छ । बुधबार हलेसीस्थित जाम्बला रिर्सोटमा नगरसभामार्फत ५२ करोड ७८ लाख १४ हजार ६५२ रुपैयाँ बजेट प्रस्तुत गरेका हुन् ।
नगर उपप्रमुख बिमला राईले प्रस्तुत गरेको बजेट अनुसार वडाको बजेटबाहेक नगरपालिकाबाट सञ्चालन हुने विभिन्न कार्यक्रमका लागि ६ करोड ३५ लाख, किरात भाषा संस्कृति संरक्षणका लागि ४२ लाख, महिला तथा बालबालिकाका लागि ५० लाख, स्वास्थ्यका लागि २० लाख, शिक्षाका लागि ४० लाख बजेट विनियोजन गरिएको छ ।

यस्तै, बाहुनीडाँडा, डिकुवा, च्यास्मिटार, वडहरे, मंगलटार, सल्ले, अर्खौलेका लागि प्रतिवडा ३६ लाखका दरले बजेट विनियोजन गरिएको नगर उपप्रमुख राईले बताईन् । यसैगरी, दुर्छिम, महादेवस्थान, धितुङ र राजापानीलाई प्रतिवडा ३७ लाखका दरले बजेट विनियोजन गरिएको छ ।२०७७ असार ११ गते अपरान्ह ४ :०५ मा प्रकाशित