समायोजन खबर खोटाङ, छिमेकी जिल्ला ओखलढुंगाको लिखु गाउँपालिकामा एम्बुलेन्स दुर्घटना हुँदा चालकको घटनास्थलमै ज्यान गएको छ । यसमबाट वडा नम्बर ९ को पोकलीतर्फ जाँदै गरेको एम्बुलेन्स बुधबार बिहान करिब साढे नौ बजे कात्तिकेभिरमा दुर्घटना हुँदा एम्बुलेन्स चालक लिखु गाउँपालिका–४, यसमका २३ वर्षीय सुदर्शन खत्रीको घटनास्थलमै ज्यान गएको प्रहरीले जनाएको छ ।

एम्बुलेन्स बिहीबार बिहान गाउँपालिकाबाट बिरामी लिन पोकली जाँदै थियो । गाउँपालिकाको ३–०१–०० झ ५११५ नम्बरको एम्बुलेन्स सडकबाट करिब २ सय मिटर तल खोलामा खसेको गाउँपालिका अध्यक्ष गोबिन्द पौडेलले जानकारी दिए।

वडा नम्बर ८ का वडा अध्यक्षले पोकलीबाट बिरामीलाई काठमाण्डौ लैजान एम्बुलेन्स मगाएपछि चालक बिहानै एम्बुलेन्स लिएर पोकलीतर्फ गएकाले एम्बुलेन्समा बिरामी भने थिएनन् ।२०७७ असार ११ गते मध्यान्ह १२ :०४ मा प्रकाशित